最近流行講「核心價值」，而恒生銀行（00011）其中一個核心價值，就係履行社會企業責任，今次嘅雲南沼氣能源計劃更加係首度榮獲「中國最佳公共關係案例大賽」金獎添。
其實絲絲知道恒生都唔係第一次喺呢個比賽中得獎，計埋今次，已經係第四次得獎，難得嘅係佢哋無自滿，恒生銀行企業責任主管何卓惠（Alison）仲同絲絲講，話佢哋會繼續實踐承諾，貢獻社區。
絲絲聽到Alison咁由衷嘅承諾，打從心底裏覺得一間良心企業，的確需要有「履行社會企業責任」呢個核心價值！
至於恒生奪冠的確有原因，原來恒生自二○○七年至今，在雲南當地贊助咗2,200個沼氣設施，令到約九千名村民受惠。沼氣能源計劃不但為當地村民提供免費能源，用作煮食及照明，更有助改善農村的衞生情況，大幅減少傳染病。
絲絲仲知道呢個計劃有保護環境嘅效用，因為可以減低砍柴伐木，避免造成水土流失，同埋土地退化。