絲絲講場:唯冠贏官司律師即追數

早前深圳唯冠同蘋果公司終於就iPad於內地嘅商標達成和解協議,由蘋果畀6,000萬美元和解費了事。絲絲心諗成件事應該告一段落啦,點知原來餘波未了,轉個頭唯冠就畀佢哋嘅律師追討律師費喇。

索分和解金千五萬

為咗同蘋果公司打官司,唯冠搵咗國浩律師事務所代理呢單案件。唯冠最初同律師樓簽嘅合約係「風險代理」,即係官司一切費用先由律師樓墊付,如果勝訴,律師樓就可以拎番應有嘅報酬。按合約規定,國浩應該可以分到和解金嘅4%,即係大約1,500萬人民幣。但官司完結之後,律師樓一直都收唔到相關費用,所以決定向法院入稟,從法律途徑向唯冠追數。

唯冠創辦人楊榮山就以一句「無法理解」嚟回應,佢話畀唔畀律師費係法律問題,依家唯冠同時都爭緊其他百幾個債主錢,如果還錢畀律師樓先,其他債主會唔高興喎!楊總仲話,蘋果6,000萬美元和解費唔喺唯冠嘅帳戶度,而喺法院暫代管理,再統一分配畀唯冠嘅債權人,國浩要追律師費應該向法院追,更唔應該起訴唯冠咁話!

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!