櫃員機目標達250部
應總之前都講過，下年底ATM機要增加到150部，分行數目會開到60間，依家話最終目標係ATM開夠250部，4條港鐵沿線都要有佢哋嘅ATM機，至於原計劃開夠80間分行，就要睇搵唔搵到舖等因素啦，仲話舊年開始，呢三年平均每年投資1至2億喺擴張網點。
銀行擺ATM機同分行目標要開到好似便利店咁，梗有一間喺左近，近年的確少見，不過要喺香港銀行界嘅地頭爭食，真係少啲投資同魄力都唔掂，工行都落足本支持工銀亞洲，繼上年注資61億元之後，近排公布再注資53億元，怪唔之得工銀亞洲水頭充足。
余詩韻