絲絲講場：建行信用卡獎對翼畀你？

香港人出咗名鍾意外遊，暑假就係最多人外遊嘅時間，建行亞洲趁住旅遊旺季，推出信用卡旅遊優惠。

預支里數夠新穎

建行亞洲為白金卡同Titanium信用卡會員，推出咗個「賞即飛天地」優惠，計劃內容包括旅行開支六個月免息分期、以3元換取1里飛行里數，同埋飛行里數預支服務。

點解會有預支里數呢個創新念頭？建行亞洲高級副總裁兼消費信貸業務部主管陳詩藹解釋，客戶如果差少少里數就可以去旅行，不妨透過預支積分兌換里數，喺海外旅行「碌」卡時，就可用賺取嘅積分清還，但客戶要注意，如果簽帳額不足以清還里數，客戶係要購買所欠里數o架。

陳詩藹仲話，有旅行嘅客戶，畀無外遊嘅消費多成5倍咁多！聽完咁精彩嘅優惠，絲絲都想趁住暑假，即刻飛喇。