期指觀瀾:再開好倉先睇20041

早前筆者指出,期指短期阻力為19,624點,若昨日未能上破此位,則會考慮轉建淡倉,但昨日期指一開市即升穿此位,相信與港股復市要追回外圍升幅有關;期指最終收報19,755點,高水20點,成交張數67,130張。

再睇睇昨日上升的板塊,發現除了水泥、汽車以及濠賭股外,其他板塊普遍錄得不少升幅,整體大市氣氛依然向好。但若從另一方面分析,港股昨日主板成交僅498億元,而美國六月份供應管理協會製造業指數跌至49.7,為○九年七月以來首次收縮,顯示連美國製造業活動亦見萎縮,反映就算各國先後推出刺激經濟措施,但依然未能令環球經濟即時「翻生」。

從技術走勢分析,恒指已上破自五月初高位21,385點至六月初低位18,056點反彈幅度50%即19,720點,下一站將上望反彈幅度61.8%即20,113點;而期指從六月四日低位17,856點,升至六月十八日高位19,624點之延伸升浪1.236倍計,則為20,041點。

策略上,港股短期氣勢仍偏好,故昨日筆者在19,700點順勢開好倉,既可博歐洲央行減息,亦可以博中央繼續放鬆銀根,目標先睇20,041點。

John Mullen

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!