市場情況變化多端，係牛係熊都有排拗，投資者除咗要睇實個市之外，對市場熱門話題相信都有好多意見想表達。東方報業集團旗下《東方日報》同《太陽報》向來重視讀者意見，並且用網站民意中心做平台，搜集讀者對市場熱門話題嘅睇法，緊貼時事發展。
絲絲知道Money18（網址：money18.on.cc）最近又有好嘢推出，將網頁內受歡迎嘅民意中心製成適合手機睇嘅版本，並且有QR碼，跟埋報紙最新嘅民調結果刊登。讀者睇完民調結果，如果心郁郁，想就熱門話題表達意見，用手機嘟一嘟QR碼，就即刻有得投票，真係話都冇咁易。