唔單止係中央「七‧一」送大禮，連滙豐銀行都送埋一份，不過呢份禮物只限女僱員，由七月一日或以後開始放產假嘅香港長期或合約僱員，都有十二周全薪產假，多咗兩周有薪假，絲絲聽到都為滙豐上上下下嘅懷孕僱員而開心，唔知幾時有埋為在職爸爸而設嘅侍產假呢?
絲絲聽講，呢項「大禮」嘅最終目標其實係想公司內更多女性員工，在產後留任，繼續尋求事業發展。滙豐亞太區人力資源主管黃嘉玉仲話，專登製作咗兩套全新資料小冊子，為懷孕僱員、在職媽媽及管理人員，提供更多有關資訊；以及鼓勵同事探討在職媽媽喺職場上嘅角色，以及事業同工作模式嘅發展，使僱員同管理人員能夠照顧懷孕員工嘅需要。
計絲絲話，其實呢啲政策早就應該全香港執行，咁樣家庭先會和諧共處，滙豐帶頭，絲絲實在好欣賞，但講到明要七月一日以後先實施新計劃，就無咁好囉！絲絲個表姐啱啱放完產假，不但無得陪BB，仲要馬上重投工作嘅懷抱，當佢聽到呢個新政策，不斷大嘆自己生得太早，不過小寶貝咁得意就無計啦！再唔係，可以考慮追多個喎！