義工隊幫長者驗樓
新地嘅信念係「以心建家」，近年做咗好多協助弱勢社群進行基本公屋裝修嘅工作，目的係發揮同事嘅專業所長，回饋社會。義工隊多次協助受大型重建計劃影響嘅長者公屋住戶，提供搬遷支援服務，以及基本新居裝修。早前新地義工為近百戶東頭邨嘅長者，完成驗樓、鋪地板及安裝電燈等工作。
陳國威都有參加，佢化身「裝修師傅」，落力為長者住戶鋪地板、檢查窗戶、門鎖等，佢同絲絲講，年輕時曾經做過相關工作，今次參與裝修活動，令佢記起當年做「學師仔」跟老師傅學習嘅點滴，每個工序看似簡單，但要做得好，必須專注和細心，雖然有啲攰，但見到長者們拉住義工介紹新居布置，分享生活近況，嗰份喜悅好難形容。