絲絲講場:Draw Something玩埋中文版

自社交塗鴉遊戲「Draw Something」面世以嚟,絲絲一直都有keep住玩!但有時玩玩下會諗,如果有中文版咁就好喇,你都知好多時中文有嘅字英文未必有o架喇。終於皇天不負有心人,Zynga同新浪微博合作喺中國推出咗隻Draw Something中文版喇!

推多種語言夠吸引

大家可以上微博玩Draw Something中文版,而呢隻版本仲追加咗隻講中文嘅人熟悉啲嘅英文詞彙畀人揀嚟玩添,而簡體中文版就只可以喺蘋果App Store度下載。真係唔講唔知,Draw Something由原本只係得英文一種語言,到依家已經推出多12種語言,包括有法文、意大利文、韓文、日文等等。

絲絲聽Zynga嘅流動業務總監David Ko話,Draw Something起初只係得英文版都已經席捲全球,對於可以為全球玩家引入佢哋本土熟悉嘅元素覺得好高興。佢仲即場舉咗個例子,話點樣畫得出西班牙文「caliente」(英文解做「hot」)呢個字喎。聽佢咁樣講完之後,搞到我都想即刻下載其他版本嚟玩呀!

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!