根據里昂喺數據，依家內地保險代理嘅平均年收入1.6萬元人民幣，唔單止低過5年前嘅水平，仲低過依家從事餐飲業同製造業嘅收入，咁樣點吸引人才入行呢？
成team人跳槽唔出奇
有內險高層同金占士講過，雖然保險代理有跑數嘅壓力，令唔少人對入行有啲戒心，不過代理人工高過好多職業一大截，即使只係「掹掹緊」跑夠數，收入都好過喺工廠做技工，所以吸引到唔少新人入行，但依家已經無咗呢支歌仔唱，搞到好難請人。
其實即使培養咗一班精英代理，都好易畀競爭對手撬走，好似香港咁，之前先聽聞有個外資險商嘅代理主管被挖角，仲成組精英跟住阿頭跳槽。近年內地發展咁迅速，內險公司都係時候諗吓除咗人工外，仲有乜招數挽留員工。
金占士