異地「邂逅」定情
早排吉野家已經注入咗合興（00047），佢哋嘅新CEO洪明基，話喺十幾年前，喺北京同蒙古，已經有人喺吉野家擺過酒，仲布置埋場地！但佢就話，依家梗係唔會有啦，如果真係有，絲絲都唔知戥唔戥佢慘好！
洪總15歲時「邂逅」吉野家，當年喺美國讀書，食咗半年墨西哥卷，食到嘴都歪，有一次踩單車搵野食，見到個招牌印住「bowl」，即刻毫不猶豫走入去買咗三碗牛肉飯，因為實在太好味，佢即場食咗兩碗，帶番一碗返屋企。洪總畢業後放棄咗去紐約投行嘅機會，打理家族生意，就順理成章促成呢單生意。喺九二年佢將吉野家引入內地東北地區，仲一手一腳湊大呢個仔。