新任人選來頭勁
尋日港交所公布新一輪高層任命，馬超（Stephen Marzo）將出任財務總監，應凱勤（Henry Ingrouille）做行政管理總監，兩人分別喺今個月26號同7月9日履新。兩人會直接向李小加匯報，仲係高層管理委員會嘅成員。
馬超加盟港交所前係世界最大商品供應鏈管理公司之一來寶集團（Noble Group Limited）嘅財務總監，主理財務管理。港交所依家正努力埋手收購LME，馬超有商品經驗，又精通收購，對港交所收購LME，應幫上一把。
應凱勤嘅來頭都唔細，現為大摩常務董事兼亞洲營運主管，早年更曾任倫敦證券交易所嘅國際關係分析師。