努力1個月 如種千棵樹
下周二（六月五日）係世界環境日邁入40周年，電能實業又點會唔落力響應，集團已經有超過1,000名員工報名參與為期一個月嘅「衣食住行」低碳生活，其中有10項「自選低碳行動清單」有近七成員工力撐，估計最少可以減少25公噸二氧化碳排放，差唔多等如種植1,000棵樹，真係功德無量喇。
特備低碳餐配合行動
不過，原來喺日常生活要實行低碳行動唔係好難，好似買少件衫、睇少一個鐘電視、用完電腦同燈要閂、坐公共交通工具等，連電能實業特備嘅低碳午餐「田園沙律配雞粒泡飯，另送時令鮮果杯」都零舍開胃過人，唔怪得集團上下員工咁齊心啦，實現低碳排放、資源有效又開心，何樂而不為！
余詩韻