內地幅員廣闊，但東南西北各地區發展速度唔同，要數最多有錢人嘅地區，非長三角莫屬嘞。
根據胡潤嘅調查顯示，長三角地區每166個人就有1個擁有100萬美元身家；每451個人裏面，就有1個千萬富翁；每7,500個人，仲有1個係億萬富豪。長三角嘅千萬富豪多達34.6萬人呀。
內地擁有「億萬資產」嘅有錢人，長三角就有20,800人，所以無論係「千萬」，抑或係「億萬」身家，長三角嘅人數佔咗全國三分之一咁多o架。以依家長三角有1.56億人口嚟計，每451個人就有1個係千萬富翁。如果要計20億人仔以上嘅大富豪，長三角都有1,000人，當中仲有72人係女富翁添。
咁佢哋嘅財富又點得嚟呢？有一半人係自己開公司嘅；15%係樓市炒家，早喺十年前就開始炒樓；20%係「專業股民」；仲有15%係大企業集團或者跨國公司嘅高層，佢哋都擁有可觀嘅年薪同花紅。
余詩韻