唔望酒會有新搞作
咁啱今年係港交所主席周松崗上任後首個酒會，周松崗首次「擔大旗」，絲絲就好奇到時會唔會有新嘢搞？不過有中環財金界人士就講，新上場好多嘢都要睇定啲先，所以唔好期望今年酒會有乜新花款。
港交所高層呢排為倫敦金屬交易所（LME）收購戰「疲於奔命」，如果到時真係畀港交所買到，就算酒會唔搞新花款，都喜上加喜啦！
不過，話分兩頭，呢排個市氣氛極差，尋日港股成交更只得三百幾億，係今年一月以來最少，加上又有新股上市煞停，短期內呢班金融界人士嘅心情，
唔使絲絲講，都知佢哋唔多happy喇！沖喜好似唔多易喎！