絲絲講場：恒生撐港運動 畫出腸
恒生銀行（00011）副董事長兼行政總裁李慧敏（Rose）返咗工個多星期，已經馬不停蹄，早幾日佢專登去咗香港體育學院，送上一幅插畫為運動員打氣，加埋恒生會為香港獎牌得主提供現金獎勵，仲唔係出錢出力推動香港運動！
現金贈獲獎運動員
奧林匹克運動會同埋之後舉行嘅殘疾人奧林匹克運動會，好快會喺倫敦舉行。Rose話，為鼓勵香港運動員喺奧運會及殘奧會上，攞到佳績，體院將會與恒生繼續攜手，透過「恒生優秀運動員獎勵計劃」，為香港獎牌得主提供現金獎勵。
獎勵計劃96年開始
其實呢個獎勵計劃已經有十幾年歷史，喺九六年開始嘅。Rose話，呢份長遠而持續嘅支持，反映恒生對本港體育發展方面不遺餘力，佢衷心希望各運動員喺呢兩項大型運動會中獲得寶貴經驗、突破自我，凱旋而歸！