絲絲講場：夏佳理轉場添愛駒

股場馬場各有特色

大家一定好「好奇」，夏佳理做過港交所主席，又做過馬會主席，咁究竟邊個位「好玩」啲呢？夏佳理就話，兩個係好唔同嘅「場」，一個係牟利，一個係非牟利，但兩個場都有維護公眾利益呢個角色。

換句話講，即係好難直接比較邊個場「好玩」多啲喇。

對絲絲嚟講，兩個場都對香港好重要，關乎市民大眾嘅利益。不過，啲議員就可能有另一種講法，最普遍嘅就梗係話港交所近年衍生工具成交愈嚟愈多，好似輪證成交非常熾熱，都儼如一個「大賭場」，即係同馬會嘅功能不相伯仲喇！

雖然話夏佳理依家「無官一身輕」，但係佢仲係國際交易所聯會主席，而且仲要周圍飛去開會，所以都係非常忙碌架！

余絲韻