新舖轉少個街口
聽講呢個新總部都好闊落，面積有成一萬平方米，即係10.7萬方呎左右，位於King Wlliam Street 81號，的確係比位於King Street 36號舊舖，方便咗少少。絲絲要強調只係方便少少，係因為記得工銀倫敦之前個辦公室都喺金融城，以位於正中心嘅英倫銀行計，舊舖要由英倫銀行向西行4個街口仲要轉入街，依家新舖由英倫銀行出發，行到第四個街口就上樓，唔使轉入街咁囉。
倫敦咁努力發展人民幣業務，工行當然唔可以落後於當地企業啦。工銀倫敦董事總經理就話，工銀倫敦會繼續致力於人民幣離岸業務，同埋資金、銀團貸款、貿易融資等等生意。