想當年，各位《星球大戰》迷對星戰紀念幣趨之若鶩，但係大家又知唔知佢嘅來歷呢？原來有唔少紀念幣係由新西蘭鑄幣局整出嚟架，佢哋整紀念幣已經有超過40年嘅歷史。最近呢個鑄幣局易主，畀一個叫哈丁嘅新西蘭人買起咗，具體嘅交易詳情就唔清楚喇，不過肯定嘅係佢哋有個目標，就係打入依家發展得好快嘅中國市場，所以開始諗緊要唔要喺中國成立合資企業。
其實新西蘭鑄幣局嘅主要收入係嚟自協調金條同金塊貿易，而佢同美國簽咗許可協議，包括幫《星球大戰》系列同埋《海綿寶寶》等鑄造紀念幣，另外仲喺其他國家有各種特許交易咁。不過面對住中國咁大嘅市場，新西蘭鑄幣局到依家都仲得個「望」字。
話時話，呢個哈丁都好有來頭，佢曾經係倫敦國際金融期貨期權交易所嘅財務總監，返咗新西蘭後即刻買咗間國際美容學校，之後又賣咗畀澳洲一間私募基金，佢今次話長遠目標係要將新西蘭鑄幣局成為全球鑄幣公司中嘅精品店。哈丁嘅財技應該就毋庸置疑，所以絲絲都好希望佢可以幫助鑄幣局再創高峰。