絲絲講場：陸東推廣陶藝懶理個市
有「星級分析員」之稱嘅瑞銀外部顧問陸東（Andrew），最近又多咗個「朵」，就係聖雅各福群會陶瓷推廣顧問喇！怪唔之得，尋日下午三點鐘，Andrew竟然唔留喺辦公室睇住港股上落，反而去咗該機構舉辦嘅「玩放啲‧泥樂園」開幕典禮，仲幫手喺場內招呼嘉賓，兼且細心介紹陶藝作品，留到成四點半先至離開，果然做足推廣顧問嘅本分。
做善事 出錢又出力
絲絲知道，Andrew喺○九年開始支持該會嘅「陶藝工作室」，平時出錢出力之外，每年佢都會親自出馬，幫呢個非牟利團體去搵大型場地做陶藝展覽，真係唔話得。
Andrew仲話：「最近我開始去向啲公司大老闆推銷呢啲陶藝品，希望佢哋可以支持吓，就快成功o架喇！」投資要出心出力先至成功，Andrew連做善事都咁落力，難怪佢揀股咁叻喇。