性質難明 股價偏低
但金占士估唔到，連亞太衞星（01045）都話佢哋嘅投資者，都唔明佢哋係做咩生意架喎！
金占士早排同佢哋執行董事程廣仁傾開，佢話依家公司嘅股價都未真正咁反映到公司嘅價值，佢認為歸根究柢都係投資者唔多了解公司嘅業務。金占士真係唔明，公司名都講咗佢哋係做衞星業務，仲有乜唔明？
衞星如起樓再收租
程總話有方法令投資者容易明白嘅，佢形容公司做嘅生意同地產商差唔多，地產商搞地產，起好嘅樓，一係賣，一係出租；而佢哋就搞「天產」，搵人起「樓」，即係衞星，之後再租畀唔同嘅客戶，然後收租。佢話，佢哋嘅客戶又有電視台、亦有電訊商，雖然大家唔係直接幫襯，不過其實日日就為大家服務！
金占士