嘩，成千萬元咁多！大家依家都知中小經紀行因為市況淡靜，經紀行已無啖好食，如果因為咁嘅原因，再被「走數」，真係好傷囉！
金占士就問經紀界老行尊，既然因為內地放假關係，但遇上港股波動，追收唔到內地客孖展時，點解唔即時斬倉？老行尊就慨嘆，人在江湖、身不由己，吓吓都即刻斬倉咩？好易冇晒啲客。但不得不承認，被人走數千萬元真係好「甘」！
銀行放假 有錢冇得攞
其實證監會早前已留意到有關問題，叫證券行特別留意內地銀行假期，以免當要向內地客追收孖展時，咁啱遇上內地放銀行假，內地客調動唔到頭寸，會影響證券行嘅財政狀況。
金占士