獻計保障客戶
有小股東抱怨大眾銀行中環總行嘅地舖無咗部股票機，令佢哋好唔方便。陳玉光面帶笑容地解釋，因為好多街外客入埋去用嗰部機，反而大眾銀行嘅客戶就用唔到，所以將部機搬咗上10樓。
點知小股東都係唔滿意，話銀行嘅指示唔清晰，仲教埋佢哋要喺銀行擺個「稍移玉步至10樓」嘅指示牌嘛，又或者好似其他銀行咁，加道閘或門，咪可以保障淨係得客戶用囉。
仲有小股東問啲更專業嘅問題，何解印資銀行可以喺推2厘水平嘅港元定存息下仍可以賺錢，而大眾金融就做唔到？陳玉光面無難色，從容面對逐一提問，絕無動氣，果然係高手。