絲絲講場：阿里22高職輪流做
企業高層為咗做好間公司，好多時都會唔怕辛苦，做多幾個部門，甚至做埋基層工作，一於搞「通識」。阿里巴巴（01688）母公司阿里巴巴集團就用咗呢個做法，22位中高層管理人員將會「輪崗」，去其他部門「學習」，涉及嘅部門好闊o架。
要呢22個員工互換崗位做唔同嘅嘢，大家可能都覺得有啲難以實行，不過睇嚟集團一早已經下定決心，原來佢哋喺幾年前已經建立咗一套機制嚟做呢件事，管理層輪換同調整嘅步驟亦都做過好多次，仲成立咗一個組織部，專門負責建立制度、員工成長，同企業文化呢幾方面添。
員工數目限加200人
呢個機制對員工真係幾有用，但集團嘅另一個策略，可能就唔係好啱員工聽喇。集團尋日話，喺○九年金融危機之後，為咗解決就業，請咗五千幾人，但係請咁多人，就搞到出現咗啲管理問題，所以今年淨員工增長，就只有200人！集團依家有2.5萬個員工，計落員工淨增長只得0.8%。