搞工業賺得仲多
對於銀行業被社會形容到好似吸血鬼咁，潘功勝話，依家啲銀行行長都唔敢輕易發表意見，佢自己都嚟自銀行界，所以都唔想為銀行辯護，但就希望大家科學理性咁分析實際情況，銀行嘅利潤增長其實同工業企業差唔多。
潘功勝仲拋出一大堆數據，話喺過去幾年，16家上市內銀嘅利潤增長率介乎17至36.3%，而同規模嘅工業企業就有12.5至53.5%，大家嘅增長大致相近；而且近年銀行嘅貸款年複合增長率約20%，同利潤增長差唔多，可見銀行搵得多只係愈做愈大，而唔係愈做愈貴。佢仲好冤枉咁話，內銀嘅息差喺金磚四國中最低，只係略高於國際水平咋。
余絲韻