「同甘共苦」唔要花紅
Glasenberg只係想表達自己其實都係投資者之一，只要能令公司嘅「價值」增長，就已經係最好嘅回報，花紅只係小事。
咁佢又無講錯喎。以佢揸住嘉能可15.8%股權計，淨係末期股息就收咗差唔多七千萬「綠背」（Greenback，用嚟形容綠色為主嘅美元），加埋啲中期息，更係億億聲；區區185萬美元嘅花紅，頗有「蚊髀」嘅感覺。
事實上，會咁樣諗嘅CEO亦唔止佢一個。好似蘋果公司嘅喬布斯，在生之時都唔收花紅嘅；亦反映咗CEO對「花紅」嘅看法，未知係咪同機構投資者一樣，但肯定同打工仔們唔同囉。