身在異鄉面對嘅最大問題之一莫過於語言障礙，內地上市公司萬科集團董事長王石早排喺哈佛大學留學時，就因為呢個問題令到佢頭都大埋，仲話係人生入面第一次有咁嘅感覺添。
王石話留學係佢年輕時代嘅夢想，只係一直忙於工作而無實行。終於喺一○年呢個機會就降臨佢身上，獲邀以訪問學者身份去哈佛留學一年。喺呢個留學嘅生活中，佢話最大嘅壓力除咗年齡之外，喺無秘書、無助理、無司機嘅生活，又聽唔明課堂講義嘅情況下，令佢覺得自己好似一個廢人，但亦因為呢樣嘅唔完整，激發起沉睡咗多年嘅腦筋再次活躍起嚟。
佢依家喺哈佛展開第三個學期嘅學校生活，為咗解決語言障礙，頭兩年日日都會抽時間去學校附近嘅語言學校學英文。經過呢段日子嘅學習同埋訓練，依家英文水平已經去到演講級數，回答問題時雖然有啲慢，但都唔想再有翻譯，免得人哋譯得唔啱心水，寧願自己慢慢講。呢份唔怕困難，勇於接受挑戰嘅精神，的確十分可敬。
余詩韻