金融徐筆:青蛙王子品牌有價

近呢幾年,內地同胞都經常來到香港掃奶粉,想當然喺現時呢個世代嚟講,雖然嬰兒嘅人數增長漸慢,不過,父母使錢落仔女身上一啲都唔孤寒,大家話係咪?睇番各大補習班、奶粉、英文班、興趣班嘅生意蒸蒸日上,Prof. J自必然會留意一吓有關兒童業務嘅公司。

青蛙王子(01259)算係隻半新股,品牌係內地比較大型嘅兒童護理產品品牌,主要負責喺中國設計同銷售自有品牌嘅兒童護理產品,大有「中國P&G」之勢!集團嘅產品包括護膚產品、沐浴洗髮產品等等。另外,集團為分散自有品牌風險,亦都自營自己嘅嬰兒護理產品、家庭衞生產品同成人護理產品,同埋OEM產品。

站穩兒童護理市場

回顧二○一○年,在所有中國的內地品牌中,集團的青蛙王子品牌是內地領先的兒童護理產品品牌,按零售額計算,於護膚產品、沐浴洗髮產品及口腔護理產品市場均擁有最大份額。

集團上市前,已經不斷宣傳自己嘅良好信譽,具有消費者支持嘅產品,潛力當然與別不同啦,係咪?另外,集團成立特別專案小組,不斷加強產品質素同安全,尤其喺監管日益嚴格嘅兒童產品市場底下,呢點尤其重要。集團近幾年盈利增長唔錯,一二年預期市盈率僅6.4倍。繼續追蹤、出發!

搵樓18即睇最新樓價走勢、最全面地產新聞及筍盤情報

「Money18免費即秒股票報價網站」現推出8升級功能,財經資訊,實時實發!

香港大學電子金融服務榮譽助理教授徐燦傑