為咗要打響國產男裝品牌呢個名堂，公司唔單只聘請咗曾經為幾個國際知名奢侈品牌工作嘅設計師，擔任社稷嘅設計總監，仲將中國特有嘅企領同刺繡用喺設計入面，而且集合咗全球最優質嘅用料。生產地點喺意大利，出品亦都會扣上「意大利製品」嘅標籤，不過價錢就預計比國際頂級品牌平20%。
揚言紐約米蘭開舖
設計總監話，中國有能力打造自己嘅奢侈品牌，深入民心中嘅全球製造中心形象，同意大利嘅全球設計中心角色可以混合，而且要對消費者進行教育。
佢又話中國品牌喺意大利製造，比喺中國生產冒牌意大利產品再明智添。公司仲決定夏天喺中國開設第一間專門店，之後更會喺世界時裝潮流尖端地點，包括紐約同米蘭開舖。