不過，佢亦好識做，預先吩咐公關姐姐派利是，莫非唔想大家空手而回，其實有冇利是都冇所謂，最緊要係Anita趁例會，update吓銀行界嘅發展啫。
銀公主席出手統一
盡責嘅公關姐姐講到明，啲利是係馮小姐派o架，今年嘅利是，同舊年中銀香港（02388）行政總裁和廣北做銀公主席時一樣，都係50元。連馮婉眉嘅下屬，銀公署理主席梁兆基一出嚟，就問「大家都收咗利是囉可？」果然係責任重大。
雖然絲絲想見吓Anita，但有老友就想法不同，佢話Anita講嘢比較保守，好少有啲好過癮兼啜核嘅內容，既然係咁，不如訓練吓自己，點樣發問至引起到佢嘅興趣，等佢答多啲呢？
余絲韻