低成本價賣樓畀員工
咪以為佢喺度「出口術」呀，史總話，佢哋已經成立咗一個小組嚟處理，初步計劃係由公司出錢買地起樓，然後以低成本價賣畀啲研發員工。
巨人網絡大約有2,000個員工，研發人員佔咗一半以上，大多數都係喺上海松江區總部返工，公司每年做嘅員工調查亦顯示，住屋問題長期都係員工最關心嘅問題。正因為咁，史總思前想後，決定用樓嚟鎖住員工嘅心就係最直接同核心的解決辦法。
不過，市場上就估計錢唔會由上市公司出，而係可能由史總嘅私人公司負責。
早前騰訊（00700）同阿里集團都分別推出無息房貸或者房補計劃，等員工先安居，後樂業。照咁樣計，史總呢招嘅成效如何，大家仍要拭目以待喇！