絲絲講場:趙國雄:「一本萬利」咪亂講

新正頭賀年語好多,置富產業信託(00778)主席趙國雄(Justin)就提醒絲絲,要揀嚟講,好似做佢哋嗰行,最好唔好講「一本萬利」喇!

Justin尋日用個「龍」字,講咗幾句恭賀說話,雖然話禮多人不怪啫,不過佢就同絲絲講,「一本萬利」就千祈咪對人講喇,因為咁樣好易令人聯想起「乜乜」霸權喎。

曾於杜拜飼養鷹鵰

Justin約咗一班老友飯局,一向搞鬼嘅佢,即興地拎起用嚟裝飾嘅獅頭同CEO洪明發舞起隻獅,搞吓氣氛。查實Justin真係非常喜愛動物o架,特別係鷹同鵰,因為覺得佢哋相當有靈性,所以早喺幾年前,佢因為要成日出差去杜拜,就喺當地買咗一隻鷹同一隻鵰,寄養咗喺當地訓練鷹同鵰嘅學校入面,有時唔使出差都會抽時間去杜拜探吓佢哋。

兩隻「寵物」一養就養咗成三年,Justin仲學埋點樣用手勢、口哨去發出指令,正正因為呢樣嘢已可發出指令,所以就無幫佢哋改到名。不過後來因為禽流感爆發,當地人就將所有禽鳥毀滅,Justin話希望日後有機會嘅話會考慮再養添!

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!