近期港股低殘，有公司就因此惹來敵意收購嘅疑雲，除咗近排炒博加全購價嘅中燃（00384）之外，舊年擁有香港、大連同南京法拉利經銷權嘅和記行（00720），亦一度成為四方猛人密密吸納嘅對象。之不過，雙方陣營舊年年底突然偃旗息鼓，無晒動靜，絲絲八到原來係等緊一位中間人入局。
據絲絲老友講，和記行事件雙方有和解迹象，查實有迹可尋。和記行舊年委任鼎珮企業財務部MD葉偉其同埋曾任萊福（00901）執董嘅蔡啟華入局，而和記行早前又放棄以配股方式引入強援，雙方各讓一步，免傷和氣。
原來絲絲聽聞再有一位來自鼎珮高層嘅中間人入局，但就唔係早前市場所傳，來自本港大地產商、情傾法拉利嘅家族成員。
絲絲聽聞，雙方能夠喺劍拔弩張嘅關頭坐低慢慢傾，緣於雙方都係睇好內地名牌車市場，甚至可能喺中國名牌車市場合作添。