絲絲講場:羅文慧搵食搵返馬頭圍

呢排假期多,絲絲一於周圍覓食,喺一家位於馬頭圍嘅上海食肆入面,巧遇港交所(00388)嘅企業傳訊部主管羅文慧(Henry),佢一見到絲絲,即刻大讚絲絲真識食,並豎起大拇指勁讚呢間食肆水準高。絲絲奇怪Henry點解咁清楚嘅?一向低調嘅Henry隨即自揭緣由,佢話細個嘅時候喺馬頭圍鄧鏡波中學讀書,自然對呢區食肆零舍有感情啦。

上海菜水準一流

講開呢家上海人開嘅食肆,專做街坊生意,知名嘅地道菜俯拾皆是,麻婆豆腐、酸辣湯、高力豆沙都令人食指大動。Henry一家人食完飯之後,佢仲同老闆娘閒話兩句,跟住上嘅甜品果然係高力豆沙。

朝早專登買早點

Henry係上海人,自然對家鄉菜情有獨鍾。佢話有時朝早返工,都會揸架車專程到嚟買上海式早點,不單只咁,佢有時長跑keep fit,唔知係咪佢對馬頭圍街景有感情呢,佢會由九龍站屋企一直跑到去馬頭圍,最後梗係要食埋至走,認真長情兼念舊。

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!