康宏理財主席王利民之前曾經講過，預計出年嘅經濟環境都係「審慎不樂觀」。
增福利 生日有假放
之不過，為咗提升士氣，除咗加人工同派花紅之外，仲推出咗唔少福利，例如員工生日可以有一日有薪假期、員工有更多侍產假同育嬰假等；最特別嘅係經理級以上嘅員工，可以有相等於百分之五底薪嘅額外強積金供款，董事級以上則獲相等於百分之七點五底薪嘅額外強積金供款。
正當大銀行都話要大手裁員，康宏嘅員工仲有得加人工，相信佢哋都會幾滿意。不過話說回來，後勤員工有百分之五加薪，咁前線員工呢？老友同絲絲講，理財顧問多數靠食Commission（佣金）為主，跑唔到數嘅話，加幾多底薪都無用啦。
余絲韻