絲絲講場:Jimmy Choo施法 英諮詢公司翻生

著名高級女裝鞋Jimmy Choo已經係國際名牌,估唔到佢嘅知名度同人脈關係,可以幫一間喺倫敦上市嘅企業諮詢公司Daniel Stewart走入亞洲市場,令到公司嘅業務起死回生。

Jimmy Choo同Daniel Stewart結緣於今年三月,當時Jimmy Choo聘請Daniel Stewart為二○○一年賣咗畀拍檔嘅50%股權進行收購評估。雖然收購最後因為出價太低而唔成事,不過就促成咗雙方嘅友好關係。

幫Daniel Stewart引薦基金

身為馬來西亞人嘅Jimmy Choo發揮佢識中文嘅優勢,為Daniel Stewart填補公司喺亞洲區業務嘅空隙,介紹嘅生意範圍包括幫內地公司喺英國上市外,仲「穿針引線」為佢引入一間投資喺內地房地產市場嘅私募基金添。

Daniel Stewart首席執行官曾經講過,公司喺三年前已經決定一係就繼續小本經營同埋慢慢被淘汰,一係就要主動做強公司業務。佢仲話公司嚟緊會有新嘅合作同交易,有信心全年可以有錢賺添。由此可見對歐洲公司嚟講,亞洲區的確蘊藏龐大嘅賺錢機遇!

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!