絲絲講場:名軒招股白姐姐親撐

打算趕搭尾班車,喺今年最後一個交易日上市嘅名軒(08246)尋日舉行投資者推介會,佢哋管理層一向都人面甚廣,唔少城中名人都嚟撐場,據聞包括立法會議員詹培忠、新華集團主席兼中華總商會會長蔡冠深等有頭有面嘅人物,都有入飛抽番多少,咁絲絲就梗係去八吓尋日有咩人出席啦,點知見到兩個意想不到嘅人物喎!

佢哋就係謝偉俊同「白姐姐」白韻琹呢對恩愛情侶嘞!原來佢哋都同名軒嘅管理層係好朋友,所以尋日就嚟支持,佢話自己係高端人士,所以平日都會去幫襯名軒呢啲高級食肆,仲話會象徵式認購少少,以表支持,咁佢哋會一齊抽定係分開抽呢,佢哋就好風趣咁話,佢哋不嬲都係「潮州音樂,自己顧自己」,謝生仲話白姐姐收埋好多私己錢添!

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!