Bruno之前係滙豐亞太區財富管理業務區域主管，喺滙豐今年公布削減3,000個職位嘅大計之後，首批「跳船」高層之一。當時絲絲都估佢離開獅子行，應該有好多金融機構向佢招手，畢竟依家金融市場風聲鶴唳，一將難求，而且好自然估佢去富達啦。
負責睇港台零售業務
因為絲絲記得Bruno由九一年開始，喺富達做咗十二年，市場推廣、零售銷售與營運以及分銷業務，瓣瓣都做齊，結果「一如市場預期」，Bruno返去甚有淵源嘅富達度打天下。
富達國際亞洲區（日本除外）董事總經理Mark Talbot對Bruno加入讚不絕口，話Bruno資歷深厚，對亞洲零售市場瞭如指掌，由佢睇住香港同台灣嘅零售業務，係適合不過嘅人選。