易運錢:國中控股交投轉活

雖然歐盟峰會表面好似傾掂數,各國同意嚴格遵守削赤原則,但一眾領導人回國後面對反對聲音,有幾多個能夠堅持到底,就真係天曉得。廿幾個人約埋一齊食餐飯,都隨時有十個八個甩底,何況要廿幾個國家一齊捱騾仔?難怪雖然歐美股市上周五全面做好,但昨日港股卻倒跌收場。

留意到國中控股(00202)尋日逆市做好,升幅達4%。集團十月份因股東不利消息影響下,股價插水急挫,但在金利豐(01031)朱太入主後,跌勢已告回穩,近兩個月主要在0.3至0.4元之間橫行,昨日收報0.385元。

論業績,集團中期虧損擴大至約1.43億元,但主要並非來自經營業務,期內核心水務業務收入大升74%,其A股附屬國中水務,中期盈利亦錄得14.31%增長。不過講到尾,隻股由1.4元跌落嚟,都已橫行一段時間,負面消息應消化得八八九九,近幾個交易日交投亦有轉活迹象,趁住市況淡靜,最利股仔發圍,小注博其反彈上0.45元,支持位0.36元。

詩詩

地產網大革新,即睇最新樓價走勢、最全面地產新聞及筍盤情報!

「Money18免費即秒股票報價網站」現推出8升級功能,財經資訊,實時實發!