流動資產最少800萬
絲絲知道，普通人需要有100萬港元以上嘅流動資產先可以入場，成為花旗旗下Citigold花旗財富管理嘅客戶。而當晚被招待嘅，係屬於花旗私人客戶業務嘅客戶，一般需要有800萬港元以上嘅流動資產先可以入場。
餐廳當晚特登喺中環搬咗一張好特別嘅長枱，去花旗旗艦分行，張枱熄咗燈仲會發光添！要款待尊貴嘅客戶，香檳、美食就一定唔少得，廚師當晚仲即席用朱古力做咗個圖畫甜品畀客戶品嘗。另外，仲有理財專員同客戶討論市場前景，啲客當然開心又稱心啦。
其實花旗私人客戶服務成日都為尊貴客戶搞活動，增進大家關係。好似上個月廿五日，一班人齊齊去清水灣打高球，有成一百個客戶參加，場面好鬼熱鬧。