絲絲講場：8 Securities交易兼交友
網上交易平台發展咗一段好長嘅時間，據8 Securities主席Mathias Helleu同絲絲講，十年來網上交易平台都無進步過，即係大膽啲咁講，「一覺瞓咗十年，都唔覺網上交易平台有乜唔同」。
佢本着呢類平台要以「簡單、易用、方便用家」為原則，構思咗一個新式嘅交易平台出嚟，即係點？咪就係將交友平台與交易平台可以合二為一。
望網上投資族群倍增
Mathias話，佢哋係一間香港公司，明年正式開始運作。佢哋唔單止希望將現時120萬網上投資者都收歸旗下，更希望令個網上投資族群倍增添！
曾入選為TCD Bejing創業競技場決賽嘅8 Securities，主要透過結合線上貿易和個人化版面，提供一個快速、全球連線的線上交易平台，而且用戶仲可以憑個人喜好，選擇自己的股票市場、交易工具、新聞與研究、視頻及社交Apps等等。除咗正常交易功能，8 Securities亦發展咗社群平台嘅功能，用戶可以分享投資見解；也可以問問題、或答人哋嘅問題；甚至可以跟蹤社群內投資成績出眾的用戶。