現年四十四歲，讀哲學出身嘅郭廣昌，一向都係太極嘅粉絲，不過咪以為佢做生意都係好似「耍太極」咁款，總部喺上海嘅復星，之前資產主要集中喺中國嘅鋼鐵、採礦、醫藥同地產，但係近年開始向外伸延，除咗喺法國買咗休閒度假企業地中海俱樂部一成嘅股份，早排又買咗希臘珠寶服飾零售商Folli Follie一成股份。
郭廣昌之前喺接受採訪嘅時候都話，佢哋喺海外投資會愈嚟愈快，愈嚟愈多。
「上善若水」喻中國增長
郭廣昌解釋，「上善若水，水善利萬物而不爭」，係太極嘅哲學，而復星提出嘅將中國增長勢頭同全球資源結合一齊嘅理念，就係想令各方受益，如同水一樣。嘩﹗講到咁深奧，老外們明唔明o架？
余詩韻