法例容許罰三倍利潤
民事罰款訴訟係由美國證監會提出，呢個天文數字罰款其實可以更加高，因為當局原先係要求罰款金額相當於內幕交易利潤三倍嘅法例容許上限，即係超過1.5億美元！
如今加埋之前法庭裁定嘅1,000萬美元刑事罰款，同埋交出5,380萬美元內幕交易利潤，拉賈拉特南總共要繳交1.566億美元，可以話係嘔凸，但早知係咁，又何必當初呢？
十二月要到監倉報到
拉賈拉特南如無意外嘅話，十二月五日就要到監倉報到，唔知到時佢會唔會第一時間向同一監倉服刑嘅世紀騙案主角馬多夫，就呢筆罰款呻到樹葉都落埋呢？
余詩韻