絲絲講場：新世界員工同樂Fun爆

純官率廿位嘉賓揭幕

咁歷史性嘅場合，又點少得佢哋嘅董事總經理鄭家純、執董鄭志剛、總經理陳觀展，仲有近二十多位主禮嘉賓一齊揭開序幕，佢哋用別開生面嘅形式主持「加油啟動儀式」，合力將能源注入新世界集團嘅標誌中，寓意為員工加油打氣。

純官話，集團一直視員工為寶貴資產，除了着重員工培訓外，亦重視建立和諧融洽嘅工作環境，幫助員工喺工作及生活之間取得平衡，今次希望透過同樂日，等員工同佢哋家人對集團嘅文化有更深入了解。

當日一共有三千五百位來自集團旗下多個部門及公司嘅同事及家屬一同參與。除比賽外，嗰日仲有多個特色攤位、工藝坊、大型吹氣遊戲及與小馬拍照等環節，大人細路都啱玩。佢哋仲特別舉辦「我的新世界同樂日」相片大募集攝影比賽，鼓勵同事分享當日拍攝精彩相片。同樂日並獲得多間非牟利慈善機構支持，在場內設有攤位義賣。