尋日上市的新股科諾威德（01206），盤中最高報1.13元，收市報1.03元，較招股價1元高3%，扣埋使費，捧場客暫時無乜輸贏。
集團為內地領先的樓宇能源管理及解決方案服務供應商，未知是否因業務比較獨特，集團招股反應一般，僅獲2.18倍超購，並以下限定價。
不過，此股最大賣點，是首隻由A股分拆來港上市的子公司，而母公司清華同方，更是清華大學旗下窗口公司，背景有番咁上下。過去三年複合年增長率達1.16倍，去年純利718萬美元，市場預測今年度盈利將不少於989萬美元，預測市盈率僅6.4倍，以其業務的高增長性質，屬相當吸引水平。
科諾威德上市保薦人為派杰亞洲，跟近期由低位勁升嘅雙樺（01241）同出一門，而且正如詩詩早幾日講，新股初期反應一般，有利貨源盡早歸邊，一旦收齊貨，爆發力非同小可，故科諾威德亦值得憧憬，1元樓下收集，向上睇1.13元，支持位0.9元。
詩詩