見到黑天鵝唔老利
張相喺有兩隻黑天鵝嘅湖邊拍攝，話說前排新股神到訪新加坡，竟然喺當地見到黑天鵝，仲要有兩隻咁多。黑天鵝對老外嚟講好唔老利，米勒笑笑口話，去咗當地一間廟求籤，好彩仲求得上籤（Lucky Coin），之後股市即刻反彈！佢仲即場Show個Lucky Coin畀大家睇，引到全場爆笑！
唔好以為米勒淨係識派笑蛋，佢又語重心長咁話，大家對抽象事物嘅理解可能會唔一樣，「呢個三角形，有人覺得佢係個三角形嘅窿、有人覺得佢係一個實體、亦有人覺得佢只係個幾何圖形……」，所以人人睇市況時，都會有唔同嘅結果。
講咗咁耐，佢當然亦有提及惺惺相惜嘅股神巴菲特，數數佢喺人哋恐懼時點貪婪嘅威水史啦。