吉利集團董事李書福嫁女，揀選最吉利嘅日子，除咗送畀愛女嘅車外，其他用作婚禮之用嘅車，全數係吉利旗下嘅品牌，非常之正路，亦非常之「吉利」。
外號「汽車狂人」嘅李書福有一子一女，長子未婚，出嫁嘅女兒叫李藝，並未進入家族企業工作，目前係上海三煦投資管理公司副總經理。今次嘅婚宴，你話係高調又得，低調又得，皆因佢哋筵開百席，喺台州市最大嘅酒店至擺得落，但係原來好多男方賓客去到會場至知，新娘嘅背景咁巴閉。新進岳父李書福都花足心思，盡量避免自己嘅風頭蓋過親家。
今次嘅主婚車用咗沃爾沃，其餘都係吉利旗下嘅沃爾沃及吉利帝豪高檔房車。送畀女兒嘅嫁妝係一部價值八百萬元嘅Aston Martin名車。
李書福平時係硬漢一名，愛女出嫁，佢當眾落淚，無法啦，場面咁感人。李書福哽咽地說，很愛女兒，但平時工作忙，對女兒嘅照顧不夠。新郎來頭亦不小，係富家子弟，很優秀很帥氣，「狂人」大可放心。
婚禮當天是農曆九月廿二日（新曆十月十八日），按照台州人老一輩嘅算法，是農曆九月份最好嘅日子，當天結婚嘅台州人很多，大街上滿是奔馳、寶馬、保時捷等豪華婚車，相比而言，李書福使用自家車，在台州人看來，算比較低調了。不過，李書福可能都有考慮到廣告效應，何況「吉利」這個名字也喜氣。
余詩韻