絲絲講場：花旗義工日玩「跑樓梯」
今年花旗再次舉辦全球義工日，尋日就舉行啟動儀式，席間絲絲見到林鈺華（Christine）特別容光煥發，無他嘅，因為Christine接替過咗中國區嘅周永贊，出任花旗環球個人銀行服務副總經理及零售銀行業務主管後，第一次出嚟見傳媒。
唔經唔覺，義工日已經去到第六屆，今年就搞搞新意思，開辦「千級挑戰賽」，即係喺花旗銀行大廈度比賽跑樓梯，話明「千級」，大拿拿跑50層樓o架。問到Christine會唔會親身參與，佢就話都係出錢支持好啲，雖然佢都有玩開運動，但就以瑜伽等靜態運動為主，跑樓梯咁劇烈嘅嘢唔太啱佢。
鬥跑上 有學問
Christine仲點出咗個幾有趣嘅問題，就喺點解有鬥跑上樓梯，但喺無鬥快落樓梯嘅？當然啦，跑落樓梯對膝蓋負擔大好多，加上銀行梗喺鍾意「跑上」多過「跑落」，絲絲都寄望Christine上任後，業務會不斷拾級而上呢！