魚缸入面，經常會發生一啲偷呃拐騙嘅事件，證監會近年成日都教啲投資者要醒目啲。最近再拍多一條廣告片，叫投資者簽名前要諗清楚。
呢個名為《投資要謹慎 簽署認責任》嘅廣告，好明顯係話簽署係重要嘅事。證監會行政總裁歐達禮話，投資者喺決定投資前，除咗要向投資顧問或者金融機構員工作出關鍵提問、查詢中介人對客戶嘅風險評估準則、其投資建議嘅理據，仲要了解呢啲投資嘅虧蝕風險，總之就係要每事問啦，更要喺簽署任何文件前三思，因為簽署文件就係確認為自己嘅投資決定負責。
為咗令投資者對忠告更易入腦，佢哋用咗《問我》呢隻歌，嚟配合啲內容。首歌咁耳熟能詳，難怪絲絲一聽就明晒啦﹗
余絲韻