本港周四凌晨突然懸風球，以致港股昨日全日暫停交易，有業界直言被「打亂陣腳」；然而散戶普遍表示沒有影響，個別更表示暫時避過一劫。
英證高初定：復市做好居多
「期指結算撞啱天文台掛八號風球，今日港股開番市，期指有可能會場內同場外一齊玩，但我估大家都係做好居多。」
法興蔡秀虹：放假照寫專欄
「難得天文台掛八號風球，打風可以喺屋企休息吓，但都忙咗一陣，朝早要寫專欄，與同事商討工作事宜，今日返工再搏殺過。」
靈獅藺常念：原打算沽期指
「睇到周三美股下跌179點，最多仲跌成200點，而且港股美國藍籌預託證券（ADR）全線下跌，預計恒指又會再失守萬八點，原本打算沽期指，不過一個風球就打亂我陣腳，惟有喺屋企休息吓，睇吓電視。」
Rebecca：休市仲好啦
「打風休市仲好啦，周三美股跌，就算港股周四有市，都應該唔會行得靚，咁咪當避一避囉！我估今日個市表現都應該一般，所以都無諗點部署，依家個市都係見步行步比較好。」
譚先生：無影響等回本
「呢排個市跌到咁傷，依家手上嘅股票都綁死咗，多一日市同少一日市，對我都無乜影響！反而個市又唔會一日升幾千點，要回本有排等啦，真係有排捱。」
鄧小姐：估跌市唔買貨
「周二股市大漲，我本來已經諗住個市會跌，反正我都係觀望為主，無諗住買貨，所以無市對我無乜影響！」